鄧兆尊大爆圈中人揼霸王骨

city33

YouTube頻道「田豪祖3寶」由貴花田、曾志豪和王耀祖主持，三人就時事、社會和娛樂話題討論，最新一集請嚟好友鄧兆尊擔任嘉賓，並以「生意難撈」作為主題，期間講到有按摩店疑似被男顧客走數，跟住鄧兆尊就大爆娛樂圈都有唔少藝人揼邪骨走數，勾起一班網民嘅好奇心。


王耀祖問鄧兆尊有冇聽過有人「揼霸王骨」，之後鄧兆尊就好快回答話：「有，我呼籲一樣嘢，無論係我同行或者普通人都好，除咗你唔好出名，你出咗名就盡量唔好做！因為所有按摩師返到去休息室實講，一講嘅話就通天，一通天之後就間間都通天，全香港都知你做過啲咩，盡量都唔好啦！」之後貴花田及王耀祖追問係咪有同行走數，鄧兆尊亦坦言頂流到下流都一樣有走數：「多數係話我會畀幾錢貼士，比如話俾500蚊，但出到去就俾200蚊貼士，去到對數嘅時候就會知道。骨錢就走唔到㗎啦，始終都係公司收，通常都係走小費！例如話：『我畀3000蚊貼士你，你畀我掂一掂啦！』之類嘅嘢，點知出到去就俾200蚊！大家明啦！」


王耀祖就話：「我明喇！咪即係邪骨囉！攞著數仲要唔止攞人哋勞力呀，賤格到不得了呀！講衰啲即係走肉金啦喎」，鄧兆尊就回答話：「係呀！係呀！」貴花田隨即追問係幾多線藝人，而鄧兆尊就話：「由最頂流到最低都有！講一個唔講名，試過一個頂流歌星，話：『嗱，我唱隻歌畀你聽，你賺咗呀喇！一人演唱會呀嗱！』」而貴花田就好激動話：「癡孖筋，咁Cheap都有嘅？」，鄧兆尊就笑貴花田嘅反應同嗰個技師一樣。


鄧兆尊續話：「低嗰啲我可以理解，因為搵食搵唔到咁多錢，可能又想玩特別嘢，唔想畀筆錢就走數，好正常但係人格唔好變。但嗰個頂流嘅嘢，幾十億身家仲搞呢啲咁嘅嘢，你真係好唔得囉！」王耀祖驚佢越爆越多，不過就話：「你唔會知邊個㗎，你要知就自己去嗰啲地方問任何一個都知㗎啦！好定唔好會知！」鄧兆尊同時亦有爆：「試過有對夫妻，明星嚟嘅，最好笑係包住個頭得返隻眼咁去，驚人哋認到佢哋，連瞓低都要包住。」

city33

yeahs

健碩男旺角疑揼霸王骨 電子支付無按「確認」走數1200元 後續更無賴......
一名健碩男子早前光顧旺角道一間按摩店，享受2 part泰式按摩加4 part推油後，聲稱使用電子支付找數，最終卻無按確認鍵，懷疑共走數1200元。


事件鬧大後，健碩男還款500元，懷疑仍欠700元費用；又由於對事件曝光「覺得好醜」，健碩男要求樓主刪走在facebook上的帖文，卻被正義的網民反問「叫人del post（刪走帖文）但唔畀錢係咩玩法......」。

yeahs

網民：辛苦錢都呃
網民均不齒健碩男的惡行，因按摩「辛苦錢都呃！賤格！」、「呢啲正Ｘ街，按摩師辛苦按完唔畀錢！」、「揼完骨唔畀錢正垃圾！」、「咁大隻，人哋推得咁辛苦」、「total（總共）6 part 按死人咩，仲要唔畀錢」、「4 part 推油？？？幫佢按完手都癈埋，仲要咁賤唔畀錢！？」。


網民：唔好畀啲惡霸得戚

網民認為應報警將他繩之於法，指「報警啦」，形容對方「真係cheap（賤）到爆，唔好放過佢！！」、「咁大個人揼骨唔畀錢，仲好意思叫人del post」、「呢啲人渣」、「可能佢都估唔到影咗佢手機no.（號碼）同全名」、「希望快快追回損失，唔好畀啲惡霸得戚」。

yeahs